Qarabaşaq

“Qreçka” adı ilə tanıdığımız qarabaşaq dünyanın bir çox ölkələrində istifadə olunur. Genetik dəyişikliyə məruz qalmadığından ekoloji təmiz qida məhsulu sayılan qarabaşaq həm də özünəməxsus dadına görə fərqlənir. Dünyanın bir çox tanınmış müalicə müəssisələrində, sanatoriyalarında qarabaşaq qida rasionuna daxil edilir. Bu da səbəbsiz deyil. Mütəxəssislərin fikrincə, qarabaşaq insan orqanizmi üçün saysız-hesabsız faydaları var. Qarabaşaq tərkibi fosfor, xlor, dəmir, kalsium, maqnezium, mis, kobalt, kükürd, yod, sink, nikel, ftor, natrium, titan, dəmir kimi mikroelementlərlə, A, E, PP, B qrup vitaminlərlə zəngindir. Hətta tərkibində böyük miqdarda zülal olduğundan qarabaşağı ətlə müqayisə etmək olar. Bu qiymətli məhsul insanda xoş əhval yaratmaqla yanaşı, yorğunluğu götürür, yuxusuzluğu aradan qaldırır.

Qarabaşağın tərkibi sellüloz ilə zəngin olduğundan mədə-bağırsaq xəstəliklərinin müalicəsində də xeyirlidir. Müntəzəm olaraq qarabaşaqdan istifadə etməklə orqanizmdə olan şlakları və digər zəhərli maddələri xaric etmək mümkündür.

Bu dəyərli qida məhsulu qanda şəkərin miqdarını stabilləşdirir. Buna görə də diabet xəstələrinə qarabaşaqdan istifadə etmək faydalıdır. Həmçinin yüksək qan təzyiqindən şikayətlənənlər üçün də qarabaşaq olduqca xeyirlidir.

Qarabaşaq qaraciyərə də müsbət təsir göstərir, onun fəaliyyətini yaxşılaşdırır, eyni zamanda, böyrəklərin fəaliyyətinin normallaşmasına müsbət təsir göstərir.

Qarabaşaqdan xalq təbabətində də geniş istifadə olunur.

Boğaz ağrısı zamanı qarabaşağı quru halda tavada qızdırmaq və parçaya büküb boğaz və boyun nahiyəsinə qoymaqla ağrını yüngülləşdirmək olar. Uşaq bişməcə olanda qarabaşağı un kimi üyüdüb həmin yerə səpməklə körpənin rahatlığını təmin etmək olar.

Xroniki yorğunluq, süstlük zamanı yeməkdən qabaq 1-2 qaşıq qarabaşaq unundan istifadə etmək effektlidir.

Ürək-damar xəstəliklərinin qarşısını almaq üçün qarabaşaqdan düzəldilmiş qatı məhluldan (kisel) istifadə etmək faydalıdır. Bunun üçün bir xörək qaşığı qarabaşaq ununu 100 qram suya əlavə edib zəif odda iki dəqiqə qaynatmaq lazımdır. İki ay ərzində gündə iki dəfə olmaqla axşam və səhər hazırlanmış məhlul qəbul edilməlidir.

Bir sözlə, gündəlik qida rasionunuza ekoloji təmiz, dadlı və faydalı qarabaşaq yarmasını daxil etməklə ömrü sağlam başa vura bilərsiniz.

Megamart.az onlayn hipermarketi Sizə qarabaşaq məhsulları təqdim edir.

Siz sadəcə www.megamart.az saytına daxil olmalısınız, Sizə lazım olan filtr kreteriyasını seçərək, axtardığınız məhsulu seçərək, operatorumuzla əlaqə saxlayıb məhsulun mövcudluğunu dəqiqləşdirib, endirimli qiymətlə əldə edə bilərsiniz.

Onlayn sifariş edərək, evinizə və ya olduğunuz yerə pulsuz çatdırılmadan yararlana bilərsiniz.