Sony 2023-cü ildə 25 milyon PlayStation 5 konsolu satacaq
Sony korporasiyası PlayStation 5 konsolunun rekord satışını əldə edəcəyini açıqlayıb.Bu barədə CNBC telekanalı məlumat yayıb .
Sony-nin biznes əməliyyatları departamentinin rəhbəri Erik Lempel bildirib ki, 2023-cü ilin sonuna qədər korporasiya 25 milyondan çox pristavka satacaq - bu, rekord nəticədir. Lempel onu da vurğuladı ki, qarşıdan gələn Yeni il mövsümü Sony-nin konsol çatışmazlığı ilə bağlı problem yaşamayacağı ilk mövsüm olacaq - bütün dünyada mağazalar doludur.
"Biz hamının yaşadığı eyni təchizat zənciri problemlərindən əziyyət çəkdik" dedi şirkət sözçüsü. Lempelin sözlərinə görə, 2020-ci ildə Sony istehsal problemləri səbəbindən konsolları hər kəsə çatdıra bilmədi, lakin indi oyun cihazlarında çatışmazlıq yoxdur.
Lempel Microsoft-un nəhayət Activision Blizzard studiyasını alması ilə bağlı məlumatı da şərh edib . Korporasiya nümayəndəsinin sözlərinə görə, Sony daima oyun tərtibatçıları arasında yeni tərəfdaşlar axtarır: “Son on ildə biz həmişəkindən daha çox birləşmə və satınalma həyata keçirmişik”.
Fevral ayında Sony, yeni nəsil oyun konsollarının satışında rekord həddə çatdığını elan etdi . Dördüncü rüb ərzində şirkət 7,1 milyon pristavka satıb.
