Volkswagen, mənşəyi bilinməyən sistem nasazlığına görə avtomobil istehsalını dayandırdı

Alman avtomobil istehsalçısı Volkswagen-in kompüter sistemi böyük nasazlıqdan təsirlənən bir çox zavodunda istehsal dayandırılmalı olub.

Volkswagen zavodlarında böhran yaşanır. 

Almaniya Xəbər Agentliyinin (DPA) məlumatına görə, Volkswagen-in Volfsburqdakı baş ofisində “kompüter sistemi şəbəkəsində” nasazlıq aşkar edilib.

Şəbəkənin kəsilməsi bu gün günortadan etibarən davam edərkən, şirkətin Almaniyadakı 4 avtomobil zavodunda istehsal dayandırılıb .

Wolfsburg, Emden, Zwickau və Osnabrück Kassel, Braunschweig və Salzgitterdəki ehtiyat hissələri fabrikləri də sözügedən kompüter sistemindəki nasazlıqdan təsirləndi.

Şirkət sözçüsü, sözügedən sistem nasazlığından Volkswagen Qrupunun Porsche və Audi markalarının da təsirləndiyini və nasazlığın mənbəyini araşdırmaq üçün böhran masası yaradıldığını bildirib.

Mətbuat katibi kiberhücum ehtimalını da istisna edib.

Nasazlıq təkcə Almaniya ilə məhdudlaşmır

Alman iqtisadi qəzeti Handelsblatt-ın xəbərində sözügedən nasazlığın təkcə Almaniya ilə məhdudlaşmadığı, Avropanın ən böyük avtomobil istehsalçısı Volkswagen-in digər ölkələrdəki fabriklərinin də təsirləndiyi ifadə edildi.

Xəbərdə həmçinin, Volkswagen ofislərindəki kompüterlərdə e-poçt rabitəsi kimi mərkəzi proqramların işləmədiyi ifadə edildi.

Toyota-nın istehsal sistemində nasazlıq yaranıb.

Dünyanın ən böyük avtomobil satıcısı olan Toyota, istehsal sistemindəki nasazlıq səbəbindən avqust ayında 4 obyektində 28 konveyerdə bütün əməliyyatları dayandırmalı oldu.

Yapon təchizatçısı Kojima Industries-in kompüter sistemləri kiberhücuma məruz qaldıqdan sonra Toyota 2022-ci ilin martında bütün fabriklərini bağlamalı oldu.

Toyota-nın 14 fabrikindəki 28 istehsal xəttinin hamısı təsirləndi.