Dünyanın ən nazik qatlana bilən smartfonu təqdim edilib
Çinin Honor şirkəti qatlanan Magic V2 smartfonunu buraxıb. Bu barədə GSM Arena nəşri məlumat yayıb.
Təqdim olunan qurğu qatlanan zaman korpusun qalınlığı 9,9 mm, açıldıqda isə 4,7 mm-dir. Cihazın çəkisi 231 qramdır. Media jurnalistlərinin fikrincə, Honor cihazını dünyanın ən nazik qatlana bilən smartfonu adlandırmaq olar. Müəlliflər qeyd ediblər ki, əvvəlki rekord qatlanan zaman qalınlığı 11,2 millimetr, çəkisi isə 262 qram olan Xiaomi Mix Fold 2-yə məxsusdur.
Magic V2 7,92 düymlük Qatlana bilən LTPO OLED əsas displeyinə və kənarda 6,43 düymlük xarici LTPO OLED ekrana malikdir. Flaqman qurğu Snapdragon 8 Gen 2 prosessoru ilə təchiz edilib, 12 Gb operativ yaddaşa və 256 Gb daxili yaddaşa malikdir.
Qurğu hər biri 50 meqapiksel ayırdetmə qabiliyyətinə malik üç obyektivli kamera ilə təchiz olunub, qadcet saniyədə 60 kadr sürətlə 4K video çəkə bilir. Smartfon 66 vatt sürətli doldurulması ilə 5000 milliamper-saat tutumlu akkumulyator alıb. Honor Magic V2-nin əsas versiyasının qiyməti 8999 yuan idi.
Bundan əvvəl insayderlər Samsung-un iyulun sonunda təqdim edəcəyi qatlanan qurğularının qiymətini açıqlamışdı. Ekspertlərin fikrincə, Galaxy Z Flip 5-in qiyməti 1200 €, Galaxy Z Fold 5-in qiyməti 1900 € olacaq.
https://megamart.az/search/galaxy
https://megamart.az/by-category/245-mobil-telefon-almaq-kredit-maqzin-baki
