Apple-ın ilk qatlana bilən noutbuku təqdim olundu.
Apple korporasiyası qatlanan ekranlı portativ kompüter üzərində işə başlayıb. Bu barədə “Business Korea” məlumat yayıb.
İnsayderlərin açıqlanan məlumatlarından belə çıxır ki, korporasiya qatlanan displeyli noutbuklar bazarına daxil olmaq niyyətindədir. Mənbələrin bildirdiyinə görə, Apple 2025-ci ilin sonunda yeni cihazı elan etməyi və cihazı 2026-cı ildə bazara çıxarmağı planlaşdırırdı.
Media mütəxəssisləri qeyd ediblər ki, Amerika İT nəhənginin böyüyən qatlanan kompüterlər bazarına daxil olması seqmentin inkişafına təkan verəcək. Jurnalistlərin fikrincə, qatlanan OLED panellərin ən böyük istehsalçıları - Samsung Display və LG Display ən çox Apple və digər şirkətlərlə yeni müqavilələrə maraq göstərirlər.
Hesabatda qeyd edilir ki, noutbuklar üçün böyük qatlana bilən OLED panellərin istehsalı təchizatçılara smartfonlar üçün qatlanan displeylərin istehsalından daha çox gəlir gətirəcək. Eyni zamanda, böyük panellərin istehsalı kompakt panellərdən daha çətindir.
İyunun 5-də Amerikanın Apple şirkəti yenilənmiş MacBook Air kompüterini təqdim etdi. Qurğu 15 düymlük ekran, M2 prosessoru, iki USB-C konnektoru alıb. Yeni kompüter 1299 $ dəyərində qiymətləndirilir.
https://megamart.az/search/apple
https://megamart.az/search/noutbuk
