Fransanın keçmiş imperatoru Napoleon Bonaparta məxsus qara ikibuynuzlu papaq Parisdə keçirilən hərracda 1,9 milyon avroya satılıb.

Fransanın paytaxtı Parisin cənubundakı Fontainebleau qəsəbəsində Osenat hərrac evinin dünən keçirdiyi hərracda keçmiş Fransa imperatoru Napoleon Bonaparta məxsus qara papaq 1,9 milyon avroya satılıb. 

Osenat dünənki paylaşımında papağın 600-800 min avroya alıcı tapacağının gözlənildiyini bildirib. Osenat papağın indiyə qədər ən yüksək qiymətə satılan Napoleon papağı olduğunu açıqlayıb.