İslandiyada püskürmək üzrə olan vulkandan bəhs edən mütəxəssislər vulkanın “soda şüşəsi” kimi partlaya biləcəyini bildiriblər. Ötən həftə ölkədə səth xəttində iri çatlar əmələ gəlib.

İslandiya  Meteorologiya İdarəsi, Svartsengidə bir quyuda maqmatik qazın təsbit edildiyini bildirərək, Faqradalsfjall vulkanının yaxın günlərdə püskürməsinin an məsələsi olduğunu və ən yüksək risk altında olan yerin Grindavik şəhəri olduğunu ifadə etdi.

Ötən həftə İslandiyanın cənub-qərbində Reykjanes yarımadasında baş verən minlərlə kiçik zəlzələdən sonra kiçik balıqçı şəhərciyi artıq boşaldılıb .

İslandiyanın altında maqma yığıldıqca , Mançester Universitetinin yer elmləri üzrə baş müəllimi Marqaret Hartli deyir ki, bu püskürmənin olub-olmaması deyil, nə vaxt baş verəcəyi məsələsidir. "Düşünürəm ki, püskürmə baş verəcək, amma sual bunun nə vaxt baş verə biləcəyidir" dedi Hartley Live Science-ə.

Püskürmə maqma daykını Yer səthi ilə birləşdirən açıq çat genişləndikdə baş verəcək. "Bu çatlamanın baş verməsinin ən çox ehtimal olunan yolu qabığın parçalanmasıdır, çünki daykdakı qaz qabarcıqları tərəfindən toplanan təzyiq maqmanı səthə doğru itələyir" dedi və belə davam etdi. "Proses bir banka soda silkələmək kimidir; bankanın yuxarı hissəsində çat açılan kimi içki köpüklənir".