Hörmətli ticarət təmsilçiləri!

 

Məişət texnikası və elektronika sahəsində ixtisaslaşan ən iri internet mağazası olan “Megamart.az” həmçinin aşağıdakı əmtəə qruplarından mal əldə etmək imkanı təklif edir:

  • Uşaq aləmi
  • Gözəllik və sağlamlıq
  • İdman və istirahət
  • Ofis üçün hər şey
  • Аvto və moto
  • Peşəkar avadanlıq
  • Ev və bağ üçün hər şey

Ziyarətçilərə təklif olunan mal çeşidlərinin genişləndirilməsi üçün biz daima göstərilən kateqoriyalara aid yeni malların axtarışındayıq.

Bizimlə əməkdaşlıq etmək istəyirsinizsə, “Megamart.az” internet mağazasının yeni tərəfdaşlarla iş prinsipini səciyyələndirən şərtlərlə tanış olun.

 

 1. Tədarükçülərlə əməkdaşlığın əsas prinsipləri

 

Bizim üçün tədarükçülərlə qarşılıqlı surətdə faydalı tərəfdaşlıq münasibətlərinin qurulması və davam etdirilməsi çox mühümdür. Məhz bu səbəbdən bu əməkdaşlığı dürüstlük və şəffaflıq prinsipləri əsasında qurmağı təklif edirik. İstənilən tədarükçünün mal tədarükü yaxud xidmətlə bağlı təklifinin diqqətlə nəzərdən keçiriləcəyinə və əməkdaşlıq üçün bütün imkanlardan istifadə olunacağına zəmanət veririk.

 

 2. Tədarükçülərin seçilməsi şərtləri

 

Müraciət etmiş kontragentlə tədarük müqaviləsinin imzalanması yaxud bundan imtina barədə qərarın qəbulu üçün aşağıdakı meyarlar əhəmiyyətlidir:

Tədarükçü Azərbaycan Respublikasının qüvvədə olan qanunvericiliyi ilə müəyyən edilmiş qaydada hüquqi yaxud fiziki şəxs kimi qeydiyyata alınmalıdır. Malın satılması üçün xüsusi icazə zəruri olduqda yaxud Azərbaycan Respublikasının qüvvədə olan qanunvericiliyi ilə tələb edildikdə tədarükçü belə icazəyə malik olmalıdır.

Tədarükçünün adından malların tədarükü haqqında müqaviləni imzalayan şəxs ona sözügedən müqaviləni imzalamaq səlahiyyəti verən sənədləri təqdim etməlidir.

Tədarükçünün təklif etdiyi malların keyfiyyəti, həmçinin onun qablaşdırılması Azərbaycan Respublikasının qüvvədə olan qanunvericiliyinin tələblərinə uyğun olmalıdır.

Tədarükçünün tədarük etdiyi mallar qanuni sənədlərə malik olmalı və girovda, həbsdə olmamalı, üçüncü şəxslərin hüquqları ilə yüklənməməli, həmçinin üçüncü şəxslərin hüquqlarını pozmamalıdır.

Tədarükçünün təklif etdiyi malların qiyməti təşkilatlar tərəfindən alınan analoji malların bazar qiymətlərinə uyğun olmalıdır. Əgər təklif olunan mallar satış üzrə menecerlərin xüsusi hazırlığını tələb edirsə, tədarükçü bizim əməkdaşlar üçün təlimlər təşkil etməlidir.

 

 3. Tədarükçülər üçün üstünlüklər

 

Aşağıdakı tədarükçülər üstünlüklərə malik ola bilərlər:

Malların qeydiyyatı və satışı üzrə müasir texnologiyaları bilənlər (MÜHÜMDÜR!)

Brend və malların irəli çəkilməsi üzrə mütəmadi reklam-marketinq kampaniyalarını keçirənlər.

İnternet mağazamızda öz mallarını birgə reklam etdirməyə hazır olanlar.

Əməkdaşlıq haqqında kommersiya təklifini satınalmalar şöbəsinə göndərə bilərsiniz.

Əlaqə telefonu: (+994 12) 404-80-98/99 (105), elektron poçt ünvanı: techizat@megamart.az

Təklifdə əlaqə məlumatlarını (telefon, elektron poçt ünvanı) maksimal dərəcədə tam şəkildə göstərmək lazımdır. Həmçinin göndərilən qiymət vərəqlərində təqdim etməyə hazır olduğunuz güzəştin maksimal həcmini göstərməyinizi xahiş edirik. 

 

Xoş gəlmişsiniz! 

 

0
0 Səbət boşdur