Lets Go Digital saytı Samsung Developer Conference 2018 tədbirində təqdim edilmiş əyilə bilən smartfonun prototipi əsasında cihazın konseptini hazırlayıb. Beləliklə hazırlanmış konseptdən də görmək olar ki, şirkətin əyilə bilən smartfon modeli kitab formatına bənzəyir və tamamilə açılmış vəziyyətdə cihaz planşeti xatırladır.

Smartfonun yuxarı hissəsində ön kameranı, səsgücləndiriciləri və müxtəlif ötürücüləri görmək olar.

 

(image by Lets Go Digital)

 

 

Bundan əlavə konsept fotodan görmək olar ki, əyilmiş şəkildə cihaz dairəvi kənar gövdə hissəsinə sahibdir.

 

 

Qeyd etmək lazımdır ki, şirkətin əyilə bilən smartfonu 4.2:3 nisbətli 7.3 inç Infinity Flex ekrana sahib olacaq. Əyilmiş şəkildə smartfonun ekranı 4.6 inç olacaq. Çox güman ki, smartfon şirkətin Exynos adlı yeni flaqman prosessoru ilə təchiz olunacaq. Bununla yanaşı smartfon həmçinin 10 GB RAM-a da sahib ola bilər. Son yayılmış məlumatlara inansaq əyilə bilən smartfon gələn ilin Mart ayında satışa çıxacaq və onun təqribi qiyməti 1700$ təşkil edəcək.