DÇ-2018-dən sonra Argentina millisinin heyətində ilk dəfə matça çıxan futbol ulduzu Lionel Messi zədələnib.

Oxu.Az xəbər verir ki, Venesuela komandası ilə oyun zamanı zədələnən 31 yaşlı futbolçu komandasının heyətindən çıxarılıb.

Messi bu səbəbdən millinin martın 26-da Mərakeşlə yoxlama görüşünü buraxmalı olacaq.

Qeyd edək ki, Lionel Messinin 90 dəqiqə oynadığı görüşdə Argentina İspaniyanın paytaxtı Madriddə Venesuelaya gözlənilmədən 1:3 hesabı ilə yenilib.